Яңа төр алимент гамәлгә керәчәк

Юстиция министрлыгы яңа төр алимент кертү буенча закон проекты әзерли. Балигъ булмаган балаларыннан читтә яшәүче әти-әниләргә өстәмә түләүләр йөкләргә мөмкиннәр.

Хәзер түләнә торган алименттан тыш, алар торак өчен чыгымнарны да капларга тиеш булачак. Бу документ 2025 елга кадәр дәүләт гаилә сәясәте концепциясен гамәлгә ашыру кысаларында эшләнә. Ничек, нинди күләмдә, нинди очракларда торак алименты салыначак? Әлеге сорауларга әлегә ведомство анык җавап бирә алмый. Закон проекты буенча эш бу ел дәвамында барачак.

Әлмәт таңнары