Бүгеннән язгы ау чоры башланды

Апрельнең 3нче шимбәсеннән Татарстан Респуб­ликасы территориясендә язгы ау чоры ачылачак һәм 27 апрельгә кадәр дәвам итәчәк. Язгы ау объектлары: казлар (сорыдан башка); ата үрдәкләр; тәлләтәвеч; көртлек; суер. Татарстан Республикасы территориясендә яз көне 1 көнгә түбәндәге нормалар билгеләнгән: каз - 2 баш; ата үрдәк - 3 баш; тәлләтәвеч - 3 баш. Аулау түбәндәге очракларда тыела: язгы уеннар чорында тәлләтәвечкә; ана үрдәкләргә, суерларга, көртлекләргә, боҗырларга, камыш тавыгына, кашкабашка, соры казларга.