Зәйдә бер ханымның ЮХИДИ инспекторына ташланганы 150 мең сум штраф белән “бәяләнгән”

Зәй шәһәр суды бер ханымга карата эчке эшләр бүлеге хезмәткәренә ташланган өчен хөкем карары чыгарды. Үткән елның 5 декабрендә төнге сәгать 2 белән 3 арасында алкоголь кулланган хәлдә булган ханым, ирен хокук бозган өчен административ җаваплылыкка тартудан "алып калу максатында", ЮХИДИ бүлегенең патруль-пост хезмәткәренә ташлана. Ул инспекторның киемнәрен йолкуда, битен тырмарга тырышуда гаепләнә. Ханым судта үз гаебен өлешчә генә таный. Аңа хөкем карары буенча 150 мең сум штраф билгеләнә. Әлегә карар ул үз көченә кермәде, дип хәбәр итә "Зәй офыклары" газетасы.