Әбиләр «Пончик» мендәре бәйләргә өйрәнә

Ә.Кәримуллин исемендәге район үзәк китапханәсендә «Алтын куллар» клуб берләшмәсендә  клуб җитәкчесе Альбина Шамилова плюш җептән “Пончик” мендәрен бәйләү буенча мастер-класс үткәрде. Чара барышында китапханәче бәйләү өчен нинди эш кораллары һәм материаллар кирәк булачагын сөйләде. Чарада катнашучылар үзләрен бу сәнгатьтә сынап карадылар. Плюштән әйбер бәйләү-кызыклы процесс. Эшнең катлаулылыгына карамастан, нәтиҗә бик матур килеп чыкты.