Бүген Олы Нырты авылында Республика рәисе Рөстәм Миңнеханов катнашында күпфункцияле мәдәният йорты ачылды

        Ике катлы мәдәният йортының гомуми мәйданы  987 кв.м тәшкил итә, ул 200 тамашачыга исәпләнгән.  Бина эчендә китапханә, музей бүлмәсе булдырылган, шулай ук кул эшләре түгәрәге, бильярд, теннис уйнау өчен махсус бүлмәләр җиһазландырылган. Мәдәният йорты “Газпром межрегионгаз” хәйрия проекты кысаларында сафка басты. 

"Авыл мәдәният йортларын газга тоташтыру елның теләсә кайсы вакытында бирегә килүчеләргә җылылык һәм уңайлыклар тудыра, ял итү эшчәнлеген сыйфат ягыннан яңа дәрәҗәдә үстерү өчен шартлар тудыра, урын культурасын саклап калырга ярдәм итә. Без мондый эшне Татарстан Республикасында да, бөтен илдә дә алып барабыз. Ул, һичшиксез, дәвам итәчәк”, - дип билгеләде Сергей Густов.

 Республика рәисе ныртылыларны әлеге зур, заманча биналы булулары белән котлап, аның игелекле булуын теләде һәм мөдире Гөлназ Гаффаровага мәдәният йортының материаль-техник базасын ныгыту өчен 200 мең сумлык сертификат тапшырды. Сергей Густов, Рөстәм Усманов мәдәният учагына баян һәм  “Шуйская” гармунын бүләк иттеләр.

  Шул ук көнне  Эзмә һәм Шәмәрдән  газ бүлү станцияләре (ГРС) арасында югары басымлы газүткәргеч боҗрасы  файдалануга тапшырылды. 2,9 км озынлыктагы Объект 2026-2030 елларга Татарстан Республикасын газ белән тәэмин итүне үстерү һәм газлаштыру программасы кысаларында төзелгән һәм планлаштырылган вакыттан бер елга иртәрәк файдалануга тапшырылган. Газүткәргеч ике ГРС йөкләнешен оптимальләштерергә, гамәлдәге кулланучыларны газ белән тәэмин итүнең ышанычлылыгын арттырырга һәм Саба районының 200 йорт хуҗалыгын тоташтырырга мөмкинлек бирәчәк. Җитәкчеләр  Ике басу Арташ авылында Салахиевлар хуҗалыгында да булдылар. Бу гаилә йортларына газ кертү  чыгымнарын өлешчә төбәк социаль ярдәме хисабына каплаган. Газүткәргеч йортка кадәр сузылган, плитә, газ казаны һәм исәпкә алу җайланмасы урнаштырылган.

  Республика рәисе Саба районына сәфәре барышында  үзәк нерв системасы авырулары булган инвалид балалар өчен тернәкләндерү үзәген дә карады.