Бүген - Халыкара икмәк көне

   Ел саен 16 октябрьдә кешелек дөньясы Халыкара икмәк көнен билгеләп үтә. Икмәк-ул ризык кына түгел, ул бердәмлек, мәдәният һәм муллык символы.  Халыкара икмәк көне тарихы 2006 елда, Халыкара икмәк пешерүчеләр һәм кондитерлар федерациясе инициативасы белән гамәлгә куелгач башлана. Икмәк көне төрле илләрдә төрлечә билгеләп үтелә. Мәсәлән, Италиядә гадәттәгечә күргәзмәләр оештырыла, аларда икмәкнең төрле төрләрен күрергә һәм аларны әзерләргә өйрәнергә була. Германиядә икмәк пешерүчеләр мастер-класслар үткәрә, анда теләүчеләр үз куллары белән икмәк пешерә, ә аннары күршеләре белән уртаклаша ала. Кайбер төбәкләрдә фестивальләр үткәрелә, аларда борынгы рецептлар һәм пешерү техникасы күрсәтелә.
 Россиядә бу көнне шулай ук төрле чаралар уза, анда кешеләр икмәк пешерү традицияләре турында белә һәм төрле икмәк төрләрен, шул исәптән арыш һәм ак оннан, шулай ук башка төрле культуралардан пешереп карарга мөмкин.
КЫЗЫКЛЫ ФАКТЛАР
Икмәк борынгы Мисырда һәм Месопотамиядә үк билгеле булган, анда кешеләр ашлыкны беренче кабартма әзерләү өчен кулланганнар.
Ипинең 2000 дән артык төрле рецепты бар, шул исәптән глютенсыз һәм чүпрәсез, шулай ук төрле орлыклар һәм чикләвекләр кушып пешерелгән ипи.

Күп илләрдә икмәк муллык символы булып санала. Мәсәлән, Япониядә икмәкне өстәлдә муллык билгесе сыйфатында калдыру традициясе бар. Икмәк  организм өчен кирәкле барлык матдәләрне: аксымнарны, углеводларны, майларны, шулай ук В, А, К һәм Е группалары витаминнарын, натрий, цинк, селен, магний һәм башкаларны үз эченә ала. Кара икмәк тиаминга бай — ул йөрәк-кан тамырлары системасының нормаль эшләвен, мускулларның эшләвен тәэмин итә, шулай ук хәтерне яхшырта һәм фикерләү сәләтен саклый.

Табыннарыбызда һәрчак күпереп пешкән, хуш исле ипекәй булсын!