Гаилә көне белән!

  Гаилә — ул иң якын һәм кадерле кешеләр, ул һәммәбез өчен дә тормышта үз-үзеңә ышаныч уята торган иң мөкатдәс урын. Гаиләдә без шәхес булып формалашабыз, гаиләдә булган тәрбия безнең дөньяга карашыбызны билгели. Райондагы һәр гаилә - безнең районыбызның киләчәге. Бүгенге күркәм бәйрәмдә, иң беренче чиратта, дистә еллар дәвамында бергә яшәгән, төрле вакыйгалар кичергән, әмма мәхәббәт һәм үзара аңлашуны саклап калган гаиләләрне котлыйбыз! Бер-берегезгә игелекләр кылып, ярдәмләшеп яшәгез, гаилә учагының мәхәббәте һәм җылылыгы көч биреп, барыр юлыгызны яктыртсын, уңыш китерсен! Безнең районда бәхетле, тату гаиләләр күбрәк булсын! Һәр гаиләдә шатлыклы балалар тавышы яңгырасын!