"Газ плитәләре, телевизорлар,  мультиварка, велосипедлар, өй кинотеатры,  паласлар белән бүләкләнгәнем бар"

Шуңа да махсус спорт киемнәреннән киләм, чөнки уеннарда катнашмыйча йөрәк түзми. Гер күтәрү, утын яру,  кул көрәше, балык тоту – болар аеруча яраткан ярыш  төрләрем.  Миңгәр Сабантуенда хатын-кызлар көрәшендә берничә ел батыр да калдым. Газ плитәләре, телевизорлар,  мультиварка, велосипедлар, өй кинотеатры,  паласлар белән бүләкләнгәнем бар. Үзем «Юлбат» авыл хуҗалыгы предприятиесенең Килдебәк бүлекчәсендә эшлим. Биш бала үстердек, оныкларга сөенеп яшәгән көнем.  Инде яшь бара, быел балык тотуда гына катнашырмын дип уйлыйм.