Иске Мичәндә миллек бәйләү йоласы оештырдылар

 "Татарстанда җәй" проекты кысаларында Иске Мичән мәдәният йорты хезмәткәрләре "Эх, миллеге дә, миллеге" исемле миллек бәйләу йоласы - кышка миллекләр әзерләү буенча фольклор-йола чарасы оештырдылар. Чарада катнашучылар иң элек кышка каен, имән, әрем миллекләре  әзерләүне һәм миллекләр өчен дару үләннәре җыю йоласын  күрсәттеләр.

 Әтиләр миллек ясау буенча мастер - класс уздырды. Әниләр, балалар белән ромашка таҗлары ясадылар. Гармун моңнарына кушылып урман буйларына җыр агылды.
Бу көннең җылысы озак сакланыр! Гаиләләргә иминлек, татулык һәм тигез тормыш телибез