Югары Симет авылы мәчетендә балалар арасында намаз уку бәйгесе үткәрелде

Намаз уку бәйгесе үсеп килүче яшь буынга динебезгә, Коръән өйрәнүгә кызыксыну һәм мәхәббәт уяту максатыннан үткәрелә. Әлеге ярышны уздыруның төп максаты – балаларга әхлакый тәрбия бирү һәм намаз укуны гадәткә кертү, татар халкы өчен традицион ислам кыйммәтләрен пропагандалау һ.б. Бәйге ахырында җиңүчеләргә һәм барлык катнашучыларга  бүләкләр, күчтәнәчләр бирелде. Изге Рамазан аенда үткәрелгән бу чараның нәтиҗәсе дә матур булыр, Аллаһка гыйбадәт кылучылар саны тагын да артыр, авыл нурга күмелер дип ышанабыз.