Күрмәүчеләр голбол уйный

  Ярышлар башланыр алдыннан катнашучыларны район инвалидлар җәмгыяте рәисе Әмин Миннигулов сәламләде, алга таба ярышларның баш хөкемдары Рәшит Кәримов катнашучыларны ярышларның гамәлдәге кагыйдәләре белән таныштырды. Шуннан соң голбол буенча ярышлар башланып китте. Уен тәмамланганнан соң катнашучылар призлар һәм грамоталар белән бүләкләнделәр. 17 мартта Саба муниципаль районы командасы сукырлар арасында голбол буенча РТ Чемпионатында катнашу өчен Казан шәһәренә бара.

Голбол-күрү сәләтен югалткан кешеләр өчен команда спорты, анда атлетлар тупны аяклары белән типмичә  капкага ыргыталар яки әйләндерәләр. Ярышлар абсолют тынлыкта үткәрелә, чөнки җанатарлар, көчле тавышлар, тренерларның репликалары һәм хәтта стадионның гөрелтесе дә сукыр спортчыларга туп тавышы буенча ориентлашырга комачаулый.