«Саба чишмәләре» үзешчәннәре микрофонсыз, гармунга гына җырлый

 "Саба чишмәләре"Яңа Мичән авыл клубында "Серле гармун телләре» дип исемләнгән программа белән чыгыш ясады. Микрофон кулланмыйча, гармун-баянга гына кушылып җырлау "Саба чишмәләре" өчен гадәти санала.  Шагыйрә Миннегөл Манихова, җырчылар Ринат Шамилов, Мөдәрис Якупов, Альфред Габдрахманов, Хәлил Гәбдрәкипов, Фирдәүсә Нәзирова, Хәлимә Башарова, Руфинә Мозаффарова, Фәнүзә Миннебаева  чыгышлары тамашачы тарафыннан җылы кабул ителде һәм басып алкышланды.