Саба район үзәк хастаханәсендә йөкле хатын-кызларны әни булу серләренә өйрәттеләр

2025 елның 3 апрелендә Саба район үзәк хастаханәсенең актлар залында йөкле хатыннар көненә багышланган «Мин — әни» дигән чара булып узды. Табиб-педиатр Йосыпова Миләүшә Хәмит кызы булачак әниләр өчен файдалы киңәшләр белән уртаклашты.

Татарстан Республикасы Хезмәт, халыкны эш белән тәэмин итү һәм социаль яклау министрлыгының «Балкыш» дәүләт автоном социаль хезмәт күрсәтү учреждениесенең Саба гаиләгә һәм балаларга социаль ярдәм бүлеге вәкиле Нәгыймова Миләүшә Сәмигулла кызы балалы гаиләләргә ташламалар турында сөйләде. Йөкле хатыннар өчен бала табуга һәм ана булуга әзерләнүгә юнәлдерелгән психологик тренинглар уздырды.

Много полезной информации для родителей можно найти сайте ДРКБ

а также на сайте https://www.takzdorovo.ru/roditelyam/