Саба урманнары чистара

Бу көннәрдә республикада, шул исәптән районыбызда “Татарстанның чиста урманнары” акциясе бара. Бүген исә 13 май  Бөтенроссия урман утырту көне дә. Төп максаты – урманнарны торгызуга җәмәгатьчелекнең игътибарын җәлеп итү, имин санитар-экологик торышын булдыру. Бүген Саба  урман  хуҗалыгы коллективы да   “Татарстанның чиста урманнары” акциясендә бердәм  катнашты. Уртак  көч белән урманнан  10   кубометр    чүп-чар,  2 кубометр коры-сары һәм корыган агачлар җыеп чыгарылган. Моннан тыш 15 мәгълүмат тактасы, аншлаглар, 6 ял итү урыны (беседка) ремонтланган һәм 3 чишмә төзекләндерелгән.  Арендаторлар һәм урманнардан  файдаланучылар – 3, оешма-предприятиеләр 8  кубометр чүп-чар чыгарган. Акциядә барысы 90 кеше  катнашкан.