Саба урта мәктәбендә районыбызның татар телчеләре киңәшмә уздырды

Утырышта узган уку елы нәтиҗәләре һәм татар теле һәм әдәбиятын укытуның  актуаль мәсьәләләре буенча фикер алышу булды. Төп доклад белән Саба мәгариф идарәсе методисты Ләйсән Гайнуллина чыгыш ясады. Шулай ук сәләтле балалар мәктәбе укытучысы Ләйсән Шәмсетдинова, Шәмәрдән лицее “Үсеш” укытучысы Г. Мулласалихова, Эзмә урта мәктәбе укытучысы Г. Һадиева һәм район методик берләшмә җитәкчесе Р.Сабирова чыгышлары тыңланды. Түгәрәк өстәл барышында туган тел һәм әдәбият укытучыларының норматив базасы турында фикер алышулар булды, 2023-2024нче уку елына татар теле һәм әдәбияты укытучылары алдына куелган максат һәм бурычлар каралды, район методик берләшмәсенең эш планы расланды.