Сабабашта узган «Авыл көне» якташларны мәйданга җыйды

Чараны Айдар хәзрәт ачып җибәрде, шулай ук авылдашларны Мишә авыл җирлеге башлыгы Азат Зиннәтуллин сәламләде. Чара гаилә бәйрәмнәрен билгеләп үтүчеләрне, яңа туган сабыйларны, авыл активистларын, якыннары махсус хәрби операциядә катнашучы авылдашларны бүләкләү белән дәвам итте.

Авыл көне күңелле уеннар, җырлар, биюләр белән үрелеп барды. Үзләренең матур җырлары белән Кызыл Мишә мәдәният йорты хезмәткәрләре Булат һәм Алинә Галимовлар, Мичән мәдәният йорты хезмәткәре Ирек Хадиев, танылган җырчы, алып баручы, Сабабаш авылы кияве Гөлүс Хабибрахманов мәйданны тагын да җанландырдылар.