Сабада балалар бакчаларында тәрбияләнүчеләр арасында «Яшь оста» чемпионатының VII республика этабы муниципаль туры узды

  "Яшь оста" чемпионаты – мәктәпкәчә яшьтәге балаларның төрле һөнәрләрдә һәм эшчәнлек өлкәләрендә башлангыч һөнәри осталык күнекмәләрен  формалаштыруга ярдәм итә. Һәр баланың үз көчен төрле компетенцияләрдә сынап карарга, ә аннары үз сәләтләрен камилләштерүне дәвам итәргә мөмкинлек бирә. Бүген Сабаның 1 нче «Шатлык» балалар бакчасы базасында «Яшь оста» төбәкара чемпионатының VII республика этабының муниципаль туры узды. Чемпионатта 6 кыз катнашты. Нәтиҗәләр түбәндәгечә:

 -  Мамалай "Кояшкай" балалар бакчасында тәрбияләнүче Маракова Азалия - "Иң иҗади педагог" номинациясендә җиңүче булды;

- МБМБУ Ике Басу  Арташ «Күбәләк» балалар бакчасында тәрбияләнүче Җәләлетдинова Гүзәл “Иң нәзакәтле һәм әдәпле» номинациясендә җиңүче;

- Явлаштау балалар бакчасында тәрбияләнүче Петрова Диана "Иң яхшы оештыручы" номинациясендә җиңү яулады;

-  Сабаның "Әллүки" балалар бакчасында тәрбияләнүче Ибраһимова Әминә - 1 нче дәрәҗә Диплом белән бүләкләнде;

- Сабаның "Шатлык" балалар бакчасында тәрбияләнүче Гатауллина Эльвина - 2 нче дәрәҗә Диплом белән бүләкләнде;

- Сабаның "Бәләкәч" балалар бакчасында тәрбияләнүче Батырханова Камалия - 3 нче дәрәҗә Диплом белән бүләкләнде.

   Кызлар үзләрен чын тәрбияче итеп күрсәттеләр: тәрбияче һөнәре турында сөйләделәр, М.Булатовның "Морозко" әкияте буенча балалар белән шөгыль үткәрделәр.

 Әминә Ибраһимовага республика турында да уңышлар телик!

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен