Сабада югары сыйныф укучылары һәм «Саба аграркөллияте» студентлары белән һөнәри юнәлеш бирү буенча очрашу узды

  Районыбызның 8-11 сыйныф укучылары һәм «Саба аграркөллияте» студентлары белән һөнәри юнәлеш бирү буенча мәгълүмати һәм файдалы очрашу оештырылды. Чарада Саба муниципаль районы башкарма комитеты аппараты җитәкчесе Ирек Гарипов, Казан дәүләт аграр университетының һөнәри юнәлеш бирү һәм югары уку йортына кадәр белем бирү үзәге җитәкчесе Гүзәл Фәссахова, «Саба аграркөллияте» директоры Закирҗан Бикмөхәммәтов, район авыл хуҗалыгы һәм азык-төлек идарәсенең җитештерү бүлеге башлыгы Ринат Нигъмәтҗанов  чыгыш ясадылар. Белгечләр белән аралашу, ахырдан бергәләп фикер алышу укучыларның һәм студентларның булачак һөнәрләрен  сайлауда зур ярдәм булды.