Сабаның «Гаилә паркы»нда балалар күңел ачты [фоторепортаж]

Илмира Галимуллина, 1 июнь 2023 - 20:34

790

Балаларны яклау көне уңаеннан биредә район мәдәният бүлеге хезмәткәрләре тарафыннан бай эчтәлекле программа әзерләнгән иде

Сабаның «Гаилә паркы»нда балалар күңел ачты [фоторепортаж]

Район үзәк китапханәсе хезмәткәрләре кул эшләре буенча мастер-класслар үткәрде, Балалар беләзекләр, татар орнаменты белән брошкалар һәм шарлардан төрле фигуралар ясарга өйрәнделәр. Шулай ук чарада журналлар тәкъдим ителде. Балалар әкият геройларын бик теләп буядылар. Паркка керү юлында баллы тәм-томнар һәм эчемлекләр сатылды. Ә мәйданның нәкъ үзәгендә Балалар сәнгать мәктәбе укучылары концерт чыгышлары тәкъдим итте. Концертта сәнгать мәктәбе җырчылары, курайчылар, тальянчылар ансамбле, ялгыз башкаручылар: баянчылар чыгыш ясады. Тамашычылар тарафыннан һәрбер чыгыш җылы кабул ителде, көчле алкышларга күмелде.

Концерт чыгышлары арасында район мәдәният бүлеге начальнигы Рөстәм Заһидуллин төрле фестивальләрдә җиңү яулаган яшь артистларга һәм сәнгать дөньясына аларга юл күрсәткән укытучыларына Рәхмәт хатлары һәм бүләк-сертификатлар тапшырды. Тәбрикләү сүзләре белән Балалар сәнгать мәктәбе директоры Алмаз Газизов, талантлы баянчы Айнур Габделхаков та чыгыш ясады. Һәркайсы балаларга күңелле, имин яллар теләде һәм яңа уку елында сәнгать мәктәбендәге түгәрәкләргә чакырды.

(Фотолар галереяда, астарак).

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен