Татарстан Дәүләт алкоголь инспекциясенең Арча территориаль органы Сабадагы шәхси предприятиедә семинар үткәрде

Дәүләт алкоголь инспекциясенең Арча территориаль органы хез­мәткәрләре Саба районын­да­гы “Сәетова Ч.А.” шәхси пред­прия­тиесендә сатучылар  өчен сәүдә  кагыйдәләре нормалары һәм  нигезләмәләрен  аңлатуга багышланган  семинар  үткәрделәр.

Төп  игътибар  кулланучылар  өчен мәгълүмат почмагы булдыруга, продуктларының яраклылык  срогына,   киштәдәгеләренең бәяләре язылган булуына,  товарлар сакланган суыткычта температура режимына контрольлек итү  мәсьәләләренә  бирелде.

Чара тәмамлангач, сатучыга кулланучылар хокукларын яклау өлкәсендәге актуаль мәсьәләләр турында мәгълүмат туплаган басма продукция тапшырылды