Татарстан Республикасында «Көзге каникуллар» профилактик чарасы бара

2025 елның 23 октябреннән 2 ноябренә кадәр Татарстан Республикасы территориясендә балаларның юл-транспорт травматизмын профилактикалауга юнәлдерелгән киң масштаблы «Көзге каникуллар» чарасы бара.

2025 елның 9 аенда республика юлларында 359 юл-транспорт һәлакәте теркәлгән, аларда 11 бала һәлак булган һәм 390ы яраланган.

Балаларны транспортта йөрткәндә аварияләр белән бәйле вәзгыять аеруча борчу тудыра. Ел башыннан 9 пассажир-бала һәлак булган.

Юл хәрәкәтендә катнашучыларның әлеге категориясе белән бәйле вәзгыять кискенләшү сәбәпле, балалар күпләп була торган урыннарда балаларны йөртү кагыйдәләрен бозуларны кисәтү чаралары узачак.

Дәүләт автоинспекциясе хезмәткәрләре һәм юл йөрү кагыйдәләрен санга сукмаган кечкенә җәяүлеләр игътибарыннан башка калмаячак. Аларның юл аркылы чыгу кагыйдәләрен бозу фактларын полиция хезмәткәрләре хәрәкәтнең яшь инспекторлары отрядлары, педагоглар, ата-аналар комитетлары, гражданнарның «ата-аналар патруле» һәм «әтиләр патруле» инициатив төркемнәре, шулай ук «беренчеләр хәрәкәте»иҗтимагый оешмасы белән берлектә кисәтәчәк. Хокук бозулар турындагы мәгълүмат җәяүлеләр белән алга таба профилактик эшләү өчен уку урыннары буенча тапшырылачак.

Шулай ук полиция хезмәткәрләре мәгариф оешмаларында укучылар һәм аларның ата-аналары белән профилактик әңгәмәләр үткәрәчәк. Тематик лекцияләр автотранспорт предприятиеләрендә һәм башка оешмаларда узачак.

Якты көн кыскарган шартларда, шулай ук уңайсыз һава шартлары аркасында килеп чыккан юл ситуацияләренә бәйле рәвештә, Татарстан Республикасы буенча ЭЭМ Дәүләт автоинспекциясе барлык юл хәрәкәтендә катнашучыларны игътибарлы, сак булырга һәм яктылыкны кире кайтара торган элементлардан файдаланырга чакыра.