Татарстан сөт җитештерүчеләре һәм эшкәртүчеләре рейтингында - райондашларыбыз беренче

 Анда Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Милли сөт җитештерүчеләр берлеге генераль директоры Артем Белов, Татарстан Республикасы сөт җитештерүчеләр берлеге генераль директоры Денис Пирогов, республиканың сөт предприятиеләре җитәкчеләре катнашты.

Соңгы 5 елда авыл хуҗалыгы оешмаларында һәм крестьян-фермер хуҗалыкларында сөт җитештерү 30,7% ка арткан. 2024 ел йомгаклары буенча Татарстан Республикасы Россия Федерациясендә сөт җитештерү буенча беренче урында тора, ул Россия Федерациясенең гомуми күләменең 6,7% тәшкил итә.

"Республика үзен терлекчелек продукциясе белән тулысынча тәэмин итә. Сөт авыл халкы өчен төп, социаль әһәмияткә ия азык-төлек продукты һәм керем чыганагы булып тора, моңа Татарстан Республикасы Рәисе Р.Н.Миңнеханов аеруча игътибар итә.", — диде Марат Җәббаров.

  Артем Белов «Россиянең сөтчелек тармагы — кыенлыклар һәм мөмкинлекләр»темасына чыгыш ясады. Ул 2025 елда һәм аннан соңгы елларда сөт индустриясе үсеше перспективалары турында сөйләде.

Аннары Денис Пирогов Татарстан Республикасы сөт җитештерүчеләр берлеге җитештерүчеләре һәм эшкәртүчеләре рейтингларын тәкъдим итте. Сөт җитештерүчеләр категориясендә инвестицион компанияләре арасында беренче урынны Саба муниципаль районының «ПМК» оешмасы алды. 500 баштан артык сөт җитештерүчеләр категориясендә Саба муниципаль районының Мөхәммәтшин З.З. КФХсы беренче урынга ия булды.

Чара азагында Марат Җәббаров җитештерүчеләр рейтингы лидерларын бүләкләде һәм кубок тапшырды.

Тэги: УСХиП