Укытучылар урман ресурсларын өйрәнә

Саба муниципаль районы башлыгы Рәис Миңнеханов һәм Казан дәүләт аграр университеты ректоры вазифаларын вакытлыча башкаручы Илшат Нуриев инициативасы белән район педагоглары һәм мәктәп укучылары катнашында эшлекле очрашу узды.

Урман хуҗалыгы һәм экология факультеты тарафыннан оештырылган чарада югары уку йорты укытучылары орлыкчылыкның заманча технологияләре һәм үсемлекләр үстерү ысуллары турында сөйләделәр. Төп доклад белән профессор  Харис Мусин  чыгыш ясады, ә факультет ассистентлары үзләренең фәнни юнәлешләре буенча чыгышларын тәкъдим иттеләр.

Катнашучыларны университетның ресурслары һәм инфраструктурасы белән таныштырдылар, аудиторияләрне, музейны һәм агробиотехнопаркны күрсәттеләр.  Илшат Нуриев белән очрашуга аерым игътибар бирелде, ул укучыларда экологик аң формалаштыруда педагогларның ролен ассызыклады.

Чара йомгаклары буенча һәр катнашучыга символик бүләк — укучылар һәм укытучыларның уртак шөгыльләре өчен тәгаенләнгән кызыл имән чикләвекләре тапшырылды. Бу адым педагогларның һөнәри осталыгын үстерүгә һәм урманчыларның яшь буынын тәрбияләүгә юнәлдерелгән.

Чыганак: Казан дәүләт аграр университеты.