«Зәңгәр утны кабыз»
2 апрель - бөтендөнья аутизм проблемасы турында мәгълүмат тарату көне уңаеннан, “Яшьлек” яшьләр үзәгенең » Игелекле Саба» игелек үзәге хезмәткәрләре, Олы Шыңар урта мәктәбе базасында укучылар белән «Зәңгәр утны кабыз» акциясе оештырды.
2 Акциянең максаты-аутизм проблемасына игътибар җәлеп итү, Россиядә аутизмлы кешеләргә һәм аларның гаиләләренә тормыш юлында ярдәм итү системасын булдыру.
Акциядә төрле ысуллар белән катнашырга мөмкин. Бу көнне биналар, скульптуралар һәм хәтта табигый объектлар да, гадәттәгечә, аутизмны символлаштыра торган зәңгәр төстәге ут белән яктыртылырга, зәңгәр лампа яндырырга, зәңгәр төстән киенергә, аутизм һәм әлеге акция турында сөйләргә мөмкин.
Олы Шыңар урта мәктәбе укучылары белән очрашуда бүген аутизм турында мәгълүмат бирелде, аутизмлы кешеләрнең сәламәтлегендә кимчелек билгеләре турында видео күрсәтелде. Шулай ук балалар белән, аутизмны символлаштырган зәңгәр төстән уч төпләре ясалып, плакатка ябыштырылды.
Следите за самым важным и интересным в Telegram-каналеТатмедиа
Нет комментариев