Язмалар рубрикасы буенча яңалыклар

23 август 2018
Казлар балачакка алып кайтты

Ялларда Буа районына кунакка кайткач, Бик-Үти авылында бер көтү каз күреп, тәмам телсез калдым. Авыл баласы булсам да, күптән мондый хәлне күзәткәнем юк иде. Сулыкта канат кага-кага су коенган йөзләгән ап-ак каз га-га-га дип каршы алды да, шау-шу килеп озатып калды. Аларның да үз дөньясы шул.
21 август 2018
“Алиям өчен үзәгем өзелә…” [Хәния Фәрхи хатлары]

Иртән 4.10 да Хәния төшемә керде… Моңсу гына тальянын тартып, баскычта көйләп утыра. Биек баскычның башы күренми. Өстендә ап-ак ромашкалар сибелгән җиңел күлмәк…
16 август 2018
Ана теле: Сөйләмне тәэсирле итү чараларыннан синтаксик фигуралар. Мәкаль, әйтемне кулланасызмы?

Мәкаль. һәркемгә бу төр телбизәкне көндәлек сөйләмебездә куллануның нечкәлекләрен ачыклау кирәк. Остазлар фикеренә мөрәҗәгать итик.
16 август 2018
85 яшьлек җиде бала анасы балаларын җиде ел көтеп, күрә алмый кала

Әлеге язмага алынганчы бер вакыйга күңелдән сызып узды. Вакыйганың эчтәлеге болайрак. Республикадагы картлар йортының берсенә килеп төшкән мәлем. Иртән генә вафат булган Хәдичә әбине соңгы юлга озатып йөриләр. Мулла җәмәгатьчелек алдына: “Туганнарын көтмибезме соң?” – дигән сорау бирде.
16 август 2018
Язмыш

Адәм балаларының язмышлары төрлечә була дигән гыйбарәгә ничек ышанмыйсың: егерме йортлы кечкенә генә бер авылдан чыккан ике артист 40 ел буена Г.Камал исемендәге Академия театрында эшләсен әле. Болардан берсе — Нәҗибә ханым Ихсанова, икенчесе мин идем.
15 август 2018
Агу ашаудан туктыйбызмы?

Ничек кенә булса да зуррак табыш алуга корылган предприятиеләрдә ясалма тәмләткеч, химик катнашмаларсыз гына нинди дә булса азык-төлек җитештерелүен төгәл әйтү кыен. Төрле юллар белән кеше организмына эләгүче агулы матдәләр күләме дә артканнан-арта. Ниһаять, һәркайсыбызның сәламәтлегенә зур зыян салучы мондый хәлнең аяныч нәтиҗәләре белән генә көрәшүдән чигенеп, организмыбызны агулаудан туктату чаралары да күрелә башлар, шәт.
09 август 2018
Эсседә халыкны тыеп булмый

Республикада кызу көннәр дәвам итә. Бу – әле сулыкларда коенучылар, комлыкларда кызынучылар саны кимемәячәк дигән сүз. Мондый вакытта хәвеф-хәтәр дә ерак йөрми. Быел да Татарстан сулыкларында су коену сезонында 58 кеше батып үлгән, 70тән артык бәла-каза килеп чыккан. Бу хакта “Татар-Информ”да узган матбугат очрашуында хәбәр иттеләр.
08 август 2018
Ул хурлыкка түзә алмыйча иренең икенче хатын белән никах мәҗлесенә бәреп керә (гыйбрәт)

– Хәят, почта килмәдеме?
08 август 2018
Тагын балтырган турында

Әле яңарак кына Россия шәһәрләре буйлап машинада сәяхәт кылган идек. Юл буенда зур-зур биләмәләрне яулап алган балтырганны күреп шаккаттым. Хәер, ерак барасы түгел. Республикабызда да шул ук хәл. Хәтерегездәдер, бу хакта “Ватаным Татарстан”да да шактый язылды.
07 август 2018
Мәхәббәт корбаннар сорыймы?

Дус кызым белән сөйләшеп торабыз. “Укытучыбыз безгә каннар кушылуны яхшы дип аңлатты”, – дип куймасынмы yл. Имеш, төрле каннар кушылу нәтиҗәсендә туган балалар бик сәләтле һәм чибәр була. Катнаш никахларны мактавы түгелме соң бу, дигән уй йөгереп узды шул вакытта. Кан кушылуда гынамы эш? Биредә сүз дин, мәдәният, гореф-гадәт, милләтләр кушылу, бәлки әле берсе тәэсирендә икенчесенең югалуы турында бара бит! Җәмгыятьнең әлеге мәсьәләгә әкренләп күнегә баруы, катнаш никахка нейтраль, кайвакыт уңай каравы – гадәти күренеш. Танышларым, дус-иш арасында да мондый никахта торучылар, катнаш гаиләдә үсүчеләр шактый.
07 август 2018
Шөрепле уенчык эзләдек

Ял көннәре балага уенчык эзләп үтте. Хәзер кибетләр күп, җаның теләгәнен алырга була, дип әйтергә ашыкмагыз. Икенче көннең азагында гына үзебез теләгәнен таба алдык. Андыйны, чынлап та, табу авыр икән. Хикмәт шунда: җомга кич ишек йозагы ватылганнан соң, тиз генә яңасына алыштырып куйдык. Искесе белән улыбыз уйнаганга әллә ни игътибар да бирмәдек.
31 июль 2018
Юллар алып китәләр...

Юллар, юллар... Алар кемнәрнедер кавыштыра, кемнәрнеңдер язмышын җимерә, йә бетмәс-төкәнмәс шатлык, йә чиксез кайгы китерә. һәркем тели. Юлдагы һәлакәтләрнең күбесе нәкъ машина йөртүчеләрнең гаебе белән килеп чыкканга күрә, мин аларга ачык хат язарга булдым.
30 июль 2018
Эш хакың күпме, илдәшем?

“Ике төркем бозау карап, 4 мең сум хезмәт хакы алдым. Үсеш тә бар, бер бозавым да үлмәде дә, акча гына юк”. “Ватаным Татарстан” хәбәрчесенең бүгенге иртәсе шундый зар ишетеп башланды. Эштән китәргә гариза язган пенсионерның зарын аңларга була, мондый мини-хезмәт хакы алып, пенсиянең индексациясен югалтканчы, аяк бөкләп кәнәфидә утыруың хәерлерәк.
29 июль 2018
Дусты төп башына утырткан

Һәркем белә: аек булмаган хәлдә транспорт чаралары белән идарә итү аяныч нәтиҗәләргә китерергә мөмкин.
27 июль 2018
Ташлап булмый торган чыбыркы

Гомере буе җитәкче урыннарда эшләгән һәм әле дә эшләүче Балтачтагы танышым беркөнне бик тә гаҗәеп хәл сөйләп шаккатырды һәм уйландырды әле. Районның кечкенә авылында туып үскән, бала чактан ятимлек ачысын да, нужа бабай камытын да җитәрлек татыган, тормышта һәрнәрсәгә үз көче белән ирешкән. Бәлки шуңадыр да, нинди генә югары постлар биләсә дә, гади, башкаларга мәрхәмәтле булып кала алды ул. Инде район үзәгенә күченеп, “шәһәр кешесе” булганына да дистә еллар.

❮ Назад Далее ❯