Игътибар: 7-8 февральдә районда чаңгы ярышлары узачак

Халыкны спортка тарту, көчле чаңгычыларны ачыклау максатын күздә тоткан чара 7 февральдә - авыл җирлекләрендә, 8 февральдә район үзәгендә үткәреләчәк. Саба мәдәният йорты артындагы трассада ярышлар сәгать 11дә мәктәпкәчә яшьтәге балаларга старт бирелү белән башланып китәчәк. Укучылар 1 һәм 3, 18 яшьтән узганнар 5 километрда узышачак. Ярышта оешма-учреждение җитәкчеләренең катнашуы мәҗбүри. Шулай ук VIP-узыш та үткәреләчәк. Катнашучыларны теркәү 9 сәгатьтә башлана.