Районыбызның яшь спортчылары Удмуртиядә шахмат буенча Бөтенроссия ярышларында катнашып кайтты

  19-24 гыйнвар көннәрендә Удмуртия Республикасының Дебеса торак пунктында  авыл җирлегендә яшәүче укучылар арасында тиз шахмат, шахмат композициясе һәм блиц буенча Бөтенроссия ярышлары булып узды. Саба районыннан 2 команда катнашты.

Команда составы (2014 елда туган һәм кечерәк): 1 команда: Газизуллин Айдан, Низамиев Йосыф, Фазылов Илназ, Шәвәлиева Энҗе.

2 команда: Вахитов Бәхтияр, Сөнгатов Аяз, Мөхәммәтова Сафия.

Саба командасы 51 команда арасында 7 урынны яулады (тиз шахмат).

47 команда арасында блиц буенча – 10 нчы урын. Өч спорт дисциплинасы буенча бездә 1 медаль - көмеш! Шәвәлиева Энҗе бик яхшы чыгыш ясады һәм шахмат композициясе буенча шәхси зачетта 2 урын алды. Позитив хис-кичерешләр күп булды. Беренче чиратта – бу илнең башка төбәкләреннән килгән балалар белән аралашу. Җиңүчеләрне, барлык катнашучыларны котлыйбыз һәм киләчәктә дә күп җиңүләр телибез!  дип хәбәр итә «САБА-АРЕНА» спорт мәктәбе җитәкчелеге