Кредит һәм бурычка акча бирүне рекламалау рөхсәт ителми

Әлеге документ кредит һәм бурычка акча бирүне sms-хәбәрләр, тышкы реклама һәм башка ысуллар белән рекламалауны тыярга чакыра. Бу хактагы мәгълүмат фәкать банк офисларындагы реклама материалларында гына булырга тиеш, ди канун проекты әзерләгән депутат Сергей Миронов.

Проект яклау табып, канун гамәлгә керсә, хокук бозучы гражданнарны - 5 мең сум, юридик зат булмаган эшмәкәрләрне - 50 мең сумга кадәр, ә юридик затларны - 1 млн. сумга кадәр штрафка тарта башларга мөмкиннәр.

Кредит оешмаларына халык яхшылап уйлаганнан соң гына мөрәҗәгать итәрлек булырга тиеш, ди депутат.

Интертат.ру