Саба таңнары
  • Тат Рус Лат
  • Киләсе атнада Татарстанда 20 градус җылы булачак

    Синоптиклар бу елның язгы-җәйге чорында уртача янгын куркынычы саклана дип саныйлар.

    Киләсе атнада Татарстанда 15-20 градус җылы көтелә. Бу хакта төбәк Министрлар Кабинетында гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча республика комиссиясе утырышында ТР Гидрометеорология һәм әйләнә-тирә мохитне күзәтү идарәсе башлыгы Сергей Захаров сөйләде.

    "24 апрельгә кадщр температура арта барачак. Дүшәмбедән башлап төнге температуралар +1... +6 градуска кадәр күтәреләчәк. Көндез шулай ук +15...+20 градус җылылык булачак», - дип билгеләп үтте Захаров.

    Гомумән алганда, синоптиклар фаразлавынча, 2019 елның язгы-җәйге чоры уртача янгын куркынычы сезоны булачак. Уртача айлык һава температурасы һәм явым-төшемнәр саны нормага якынча туры киләчәк. Бары тик июньдә генә явым-төшемнәр нормадан азрак булачак, дип өстәде докладчы.

    Киңәшмәдә шулай ук май аеннан июль аена кадәр урман янгыннарының максималь саны көтелә, дип әйтелде. 

    Фото: https://tatar-inform.tatar

    https://tatar-inform.tatar

    Нравится
    Поделиться:
    Реклама
    Комментарии (0)
    Осталось символов: