Татарстанда 12 ел элек булган температура рекорды куелды

Казанда кичә, 26 мартта, температура 2008 елда теркәлгән рекордны узып китте. Бу хакта ТР Гидрометеорология үзәге хәбәр итә.

Термометр баганалары Казан-терәк станцияләрендә -10,9 градуска кадәр, Казан – Аэропорт авиация станциясендә - 10,9 градуска кадәр, ә Казан – Лачын авиация метеостанциясендә 11,9 градуска кадәр күтәрелде.

Бу көннең алдагы абсолют максимумы 2008 елда ирешелгән - Казан-Лачын авиация станциясендә ул вакытта температура +9,4 градуска җиткән, дип җиткерә синоптиклар.

Ел башыннан бирле республика башкаласында билгеләнгән абсолют температуралар унсигез тапкыр артып киткән яки яңадан ирешелгән (алдагы температура рекорды 16 мартта билгеләнгән иде).

Элегрәк «Татар-информ» КФУ профессоры Юрий Переведенцев казанлыларга якын көннәрдә уңайлы һәм җылы һава торышы вәгъдә иткәнлеген  хәбәр итте.

Фото: Михаил Захаров

Чыганак: tatar-inform.tatar