Татарстанда икенче көн рәттән 7 градуска кадәр җылыта

Татарстанда икенче көн рәттән 7 градуска кадәр җылыта. Бүген дә республикада явым-төшем булмый, көньяк җиле исәчәк. Бу турыда "Татар-информ"га Татарстан Гидрометеорология үзәгенең метеофаразлар бүлеге җитәкчесе Ирина Трущина әйтте.

"Инде кичә үк республикада 2 дән 7 градуска кадәр җылылык күзәтелде. Бүген дә шундыйрак һава торышы булачак. Казанда бүген 5 градуска кадәр җылылык көтелә, кичә 4 градус иде", - диде Ирина Трущина.

Метеорологлар искәрткәнчә, җил вакыты белән 16 м/с тизлеккә кадәр көчәячәк. Төнге температуралар 1-6 градус салкын булачак.

Фото: Рамиль Гали