Югары Шытсу авылында Нәүрүз бәйрәме үтте

автор, 21 март 2022 - 16:35

1206

Ел да балалар белән авылның берәр урамыннан Нәүрүз бәйрәме өчен ярма җыябыз. Гармуннар уйнап, һәр кешегә кереп, Нәүрүз әйтеп, бәйрәмгә чакырабыз.

Югары Шытсу авылында Нәүрүз бәйрәме үтте

Авылдашлар ярма гына түгел, май, йомырка, конфет, печенье, җимешләр дә бирәләр. Аларның барысы да Нәүрүз көнне кулланыла. Бәйрәм көнне йомырканы суган кабыгына манып пешерәбез, ярмаларны, май, җимешләрне салып "дуслык боткасы" пешерелә, чәйгә коймак әзерлибез. Аннан балалар, авыл халкы, кайткан кунаклар белән төрле уеннар уйныйбыз, Кыш бабай белән Нәүрүзбикәне тапкырлыкта, җитезлектә сыныйбыз.