“Макталу өчен түгел, рәхмәт өчен...”
5 декабрь – Халыкара волонтерлар көне. Волонтерларны - кешеләргә төрле яклап ярдәм итүче, гади итеп әйткәндә, үз теләкләре белән булышып йөрүче игелек ияләре дияргә мөмкин. Гадәттә аларга зур күләмле чаралар үткәргәндә, хәйрия акцияләре оештырганда мөрәҗәгать ителә. Шулай ук волонтерлар ялгызларга, мохтаҗларга, мөмкинлекләре чикләнгән кешеләргә булышалар, һәйкәлләрне һәм әйләнә-тирә мохитне ямьләндерү белән дә шөгыльләнәләр.
