Җырчы Булат Җиһаншин Илһам Шакиров белән эксклюзив тиражлы махсус альбом чыгаруын әйтте

Татар эстрадасы җырчысы Булат Җиһаншин Россиянең һәм Татарстанның халык артисты Илһам Шакиров белән эксклюзив махсус альбом чыгарганын әйтте. Бу хакта ул үзенең Инстаграм битендә язды.

"Илһам абый белән бергә эшләп алуым өчен язмышыма мин рәхмәтле. Аның бу альбомын чыгаруым белән бик горурланам! Монда Илһам абыйның иске җырларының һәр миллиметры реставрацияләп эшкәртелгән һәм монда Илһам абыйның безгә юллаган сүзләре дә бар! Кыскасы, бу гади альбом түгел, ә эксклюзив тиражлы махсус альбом", - дигән Булат Җиһаншин.

Артист Илһам Шакировның легендар җырчы булуын да билгеләп үткән.

Фото: скриншот инстаграм