ЮИДчыларыбыз - 2нче [фоторепортаж]

автор, 25 май 2015 - 05:39

648

Узган атнада ЮХИДИның Татарстан идарәсе юлларда балалар иминлеген тәэмин итү чараларының уньеллыгы кысаларында өстәмә белем бирүнең дәүләти булмаган учреждениесе "Балалар-яшүсмерләр автомобиль мәктәбе" (ДЮАШ) филиаллары арасында Бөек Җиңүнең 70 еллыгына багышланган республика бәйгесе үткәрде.

Автомобиль мәктәпләре филиалларының эшчәнлеген пропагандалау һәм балаларның юл-транспорт һәлакәтләрендә имгәнүләрен профилактикалау максатын күздә тоткан чарада ДЮАШның Саба филиалы (директоры Илшат Әхмәтшин) данын Олы Шыңар урта мәктәбе укучылары Мәүлит Бикбаев, Камил Сафин, Рәзил Мөхетдинов составындагы команда яклады. ЮХИДИнең респубика идарәсе баш инспекторы Р.Миннеханов раслаган регламент нигезендә конкурста катнашучыларга ике этап узарга - юл хәрәкәте кагыйдәләреннән имтихан тотарга һәм автомобильдә тизлектә классик маневр ясарга кирәк иде. Яшь автомобильчеләр мәктәбендә тәҗрибә туплаган егетләр сынауларны уңышлы үттеләр. "Юл хәрәкәте кагыйдәләре" этабында 2нче урынны яулап, ЮХИДИ идарәсе Дипломына лаек булдылар. Мәүлит Бикбаев автомногоборьеда шәхси зачетта VII урынны алды.

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен