Саба таңнары
  • Тат Рус Лат
  • Ярамаса, рульгә утырма!

    Район прокураурасы агымдагы елның үткән чорында юл хәрәкәте иминлеге өлкәсенә кагылышлы законнарның үтәлешенә тикшерүләр үткәрде.

    "Юл хәрәкәте иминлеге турында"гы Федераль законның (10.12.1995 ел, №196) 28нче маддәсендә бәян ителгәнчә, аерым шартларда гражданнарның транспорт чаралары белән идарә итү хокукы туктатылырга мөмкин. Моңа йөртүче таныклыгының гамәлдә булуы срогы чыгуы; йөртүченең сәламәтлеге начараюы (медицина күрсәтмәсе белән расланган булса); йөртүченең транспорт чаралары белән идарә итү хокукыннан мәхрүм ителүе керә.

    Санап кителгән башка очраклардагы кебек, сәламәтлеккә бәйле рәвештә автомобиль йөртүне чикләү мәсьәләсе дә гамәлдәге законнар нигезендә хәл ителә. Медицина-психиатрия күрсәтмәсе буенча тормышка ашырырга ярамаган һөнәри эшчәнлек һәм хәвеф куркынычы зур булган чыганак белән бәйле эшчәнлек төрләренең исемлеге Министрлар Советы-РФ Хөкүмәтенең "Психиатрия ярдәме һәм аны тормышка ашырганда гражданнарның хокуклары гарантияләре турында"гы Карары (28.04.1993 ел, №377) белән расланган. Әлеге исемлек нигезендә алкоголизм диагнозы куелган һәм эпилепсия авырулы кешеләргә транспорт чаралары белән идарә итү тыелган. (Дәвамын газетадан укый аласыз).

    Э.Фәйзетдинова.

    Нравится
    Поделиться:
    Реклама
    Комментарии (0)
    Осталось символов: