Сарман районында авариядә ике кеше һәлак булган, өч кеше имгәнгән

Сарман районында авариядә ике кеше һәлак булган һәм өч кеше хастаханәгә салынган. Бу хакта Татарстан буенча Эчке эшләр министрлыгының матбугат хезмәтендә хәбәр иттеләр.

Кичә кич Зәй-Сарман трассасының 30нчы чакрымында «Жигули» машинасының йөртүчесе тыелган урында узарга чыккан һәм «Лада Гранта» белән кара-каршы бәрелешкән.

Авариядә «Гранта» йөртүчесе шунда ук һәлак була, «Жигули»ның 17 яшьлек пассажиры медсанчастьтә вафат була. «Жигули» шоферы һәм пассажиры, шулай ук «Лада» пассажиры хастаханәгә китерелгән.

Фото: соцсети

Чыганак: tatar-inform.tatar