Авыл җирлекләрендә – җыелышлар

автор, 19 июль 2012 - 06:38

873

Җирле үзидарәләрнең агымдагы елның 6 аенда башкарылган эшләргә анализ ясау һәм икенче яртыеллыкка бурычлар билгеләү максатында авыл җирлекләрендә җыелышлар башланды.

16-17 июльдә җыеннар Саба муниципаль районы башлыгы Р.Миңнеханов, башкарма комитет җитәкчесе Р.Гасыймов, бүлек һәм учреҗедение җитәкчеләре катнашында Килдебәк, Арташ, Олы Нырты, Тимершык, Эзмә авыл җирлекләрендә узды. Учреждение җитәкчеләре, гражданнар белән очрашуда ярты елда бюджет үтәлеше, төрле дәрәҗәдәге бюджетларга салдымнар туплануы, мәгариф, мәдәният, медицина һәм социаль өлкәләрдәге проблемалар, яшьләр сәясәте, эшмәкәрлекне үстерү, гаилә фермалары, шәхси хуҗалыкларда терлек асрау, учреждениеләр биналарының рациональ файдаланышы, юллар ремонты һәм башка мөһим мәсьәләр каралды. Барлык күтәрелгән мәсьәләләр буенча алга планнар билгеләнде.