Хезмәт һәм спорт янәшә [+фоторепортаж]

автор, 20 сентябрь 2015 - 05:35

1129

16 сентябрь - алтын көзнең ямьле бер көнендә Байлар Сабасының "Олимп" стадионында мәгариф хезмәткәрләренең җәйге Спартакиадасы булып үтте.

Ярышны район мәгариф идарәсе җитәкчесе Илфат Шакиров ачып, һәр катнашучыга уңышлар теләде. Иң беренче булып стартка мәктәп директорлары бастылар. Хатын-кызлар 500, ир-егетләр 1000 метр ераклыкка йөгерделәр. Директорлардан соң командалар үз көчләрен йөгерү, озынлыкка сикерү, гер күтәрү, кул көрәше, аркан тарту төрләрендә сынадылар. Һәр катнашучы командасының җиңүчеләр сафында күрү өчен бар көченә тырышты. Нәтиҗәдә, Саба гимназиясе командасы беренчелеккә ия булды һәм күчмә кубокны өченче ел рәттән үзендә калдырды. Явлаштау урта мәктәбе икенче урынны, Сәләтле балалар мәктәп-интернаты өченче урын яуладылар. Ярышны ябу тантанасында мәгариф идарәсе җитәкчесе урынбасары Гөлнар Шафыйкова җиңүчеләргә Грамота, акчалата бүләк һәм спорт җиһазлары алырга сертификат тапшырды.

Фоторепортаж-1

Фоторепортаж-2

Следите за самым важным и интересным в Telegram-каналеТатмедиа

Без социаль челтәрләрдә: Телеграм, ВКонтакте, ТикТок, Ютуб, Одноклассники, Твиттер, Яндекс.Дзен