Сабада “Наркотикларга каршы десант” профилактика чарасы үткәрелде

Бүген Сабада "Наркотикларга каршы десант" исемен алган профилактика чарасы үткәрелде. Гасыр афәтенә каршы эшчәнлек алып бару дәрәҗәсен күтәрүне, сәламәт тормыш алып баруның яшьләр арасында абруен күтәрү максатын күздә тоткан акция республикада өченче тапкыр үткәрелә. Аңа башлангыч нәкъ бер ел элек Әгерҗедән бирелгән иде. Сентябрь аенда наркотикларга каршы десант Лаеш районына "төште". Өченче тукталыш итеп Наркотиклар әйләнешенә контрольлек итү федераль хезмәтенең Татарстан буенча идарәсе хезмәткәрләре авыл районы - Сабаны сайлаганнар. Алар сабалыларны чараның зур масштаблылыгы, моңарчы күрелмәгән тамаша белән җәлеп иттеләр.

Фәнил Мәүлетов.

Нурхан Дәүләтов фотолары.