Шекше мәдәният йортында якташыбыз Шерифе Бакиеваның тәүге концерты узды

Омск каласында яшәп, Новосибирск шәһәренең югары музыка мәктәбендә белем алучы 13 яшьлек кыз белән очрашуга авыл халкы, мәктәп укучылары, мөгаллимнәр чакырылды. Шерифе Бакиева тамашачы игътибарына популяр һәм классик әсәрләр җиткерде. Клавишлы синтезаторда уйнауның катлаулы мөмкинлекләрен дә үзләштергән кызның чыгышын көчле алкышлап карады тамашачы. Истә калырлык үзенчәлекле концертта Шекше төп мәктәбе укучылары да чыгыш ясады.