Татар яшьләре форумында

Казан шәһәрендә узган V Бөтендөнья татар яшьләре форумында безнең районнан Казан милли тикшеренү технология университетының II курс студенты Алсу Габделхәева (Юлбат) һәм аграр көллият студенты Наил Сәлахов (Түбән Шытсу) катнашты. Алар Россиянең төрле төбәкләреннән, якын һәм ерак чит илләрдән җыелган 880дән артык делегат белән бергәләп төрле секцияләрдә тәҗрибә уртаклаштылар, "Татар иле" татар социаль челтәрен тәкъдим итүдә, Татарстан Республикасы көне уңаеннан оештырылган бик күп чараларда активлык күрсәттеләр.