Яңа фатирлы булдылар

17 гыйнварда район администрациясе актлар залында Саба муниципаль район башлыгы Рәис Миңнеханов Байлар Сабасының Дальная урамында урнашкан күпкатлы йорттан фатир ачкычлары тапшырды.

«Ак таш» фирмасы тиз арада сафка бастырган әлеге йортка инде 16 гаилә күченеп килгән иде. Менә тагын 11 гаилә адреслы программа нигезендә яңа фатирлы булды. Рәис Нургалиевич һәркемгә әлеге фатирларнын куанычын күреп, исән-имин гомер кичерергә язсын дип, иң изге теләкләрен җиткерде. Бәхетле фатир хужалары исә үз чиратында йорт тирәсен гөлбакчага әверелдерергә вәгъдә иттеләр.