«Сабантуй» стендлы ату комплексында Бөек Җиңүнең 70 еллыгына багышланган ярыш үткәрелде [+фото]

Әлеге мәктәпкә йөрүче укучылар республика күләмендә оештырылган турнирларда катнашып призлы урыннар алып кайталар. Җиңүнең 70 еллыгы уңаеннан оештырылган ярышта Камил Мингәрәев (Саба гимназиясе), Айрат Ибәтуллин (аграр көллият), Инсаф Закиров (Саба гимназиясе) разрядлы спортчы командалар арасында катнашып, өченче урынга лаек булдылар. Икенче урын "Ижевск", 1нче урын "Йошкар-Ола" командаларына бирелде. Ярышта Киров өлкәсеннән, Самара, Марий Эль, Казан, Брянсктан килгән категорияле спортчылар дүрт мәйданчыкта көч сынашты.