Саба таңнары

Рамазан – айларның солтаны

Ихласлык белән көтеп алынган изге Рамазан ае да узып китте. Рамазан безнең күңелләребезне тәрбияли, бер-беребезгә карата мәрхәмәтле, сабыр булырга өйрәтә.

Рамазан аеның төп нигезе - тыелу. Ашау-эчүдән генә түгел, ә гайбәттән, начар нәфестән тыелу да сорала бездән. Пәйгамбәребез Мөхәммәд салләлаһу галәйһи вәсәлләм "Рамазан аенда Аллаһы Тәгалә һәр көнне вә һәр төнне һәлакәткә дучар булганнар котылалар. Һәрбер көнне вә төнне мөэминнең бер догасы һичшиксез кабул була", - дип әйткән. Без бу айда яхшылыклар эшләргә омтылырга, гаепләү, ялганлау кебек начарлыклардан өстен калырга тырышырга тиеш.
Татарстан Диния нәзарәте белән килешү нигезендә бу ел да республикабызга Төркиядән дин кардәшләребез килде. Саба җәмигъ мәчетендә тәравих намазын укытучы кардәшебез Абдуль Заһир Яргин белән күрешеп, Төркия дәүләте, динебез хакында сөйләштек.

- Хәзрәт, Сезнең белән Татарстанга Төркиядән бу ел ничә кардәшебез килде?

- Россиягә 101 кеше җибәрелде, Татарстанга шуларның 36сы килде, Казахстанга да шулай ук 36 кардәшебез китте. Германиягә 17, Румыниягә 5 дин кардәшебезне җибәрделәр. Һәр елны Төркиядән 304 төрекне динебезне өйрәтергә, бер-беребезнең сәнгатен танып белергә дип җибәрәләр безне. Бер тапкыр сәфәр кылучы киләсе 3 елда яңадан китә алмый. Мин үзем икенче тапкыр сәфәрдә.

- Үзегез хакында да беләсебез килә.

- Мин милләтем буенча казах, әмма Казахстанның казагы түгел. Төркиядә тудым, шунда үстем. Әти - әнием Әфганстанда туып-үскәннәр. Миңа 8 яшь булганда без Кайзердан Истанбулга күчеп килдек һәм мин 5 ел дәүләт мәктәбендә укыдым. Аннары дини мәктәптә укырга мөмкинлек булды. Биредә укыганда күңелдә Коръән - хафиз булу теләге уянды. Аллаһның ярдәме белән 18 яшемдә хафиз булдым. Дини көллият тәмамлап, имам дипломы да алдым.

- Хәзрәт, Рамазан аеның нинди хикмәтләре бар, шулар турында сөйләгез әле.

- Рамазан - айларның солтаны. Аллаһы Сөбхәнәһү вә Тәгаләнең барча китаплары шушы айда иңгән. Изге Коръән китабы да Ләүхүл Мәхфүздән Күкләргә бу шәриф айда иңдерелгән. Кешеләр Коръәнне аңламадылар һәм шул вакытта Аллаһ кешеләр арасыннан бер Пәйгамбәр билгеләде. Мөхәммәд салләлаһу галәйһи вәсәлләмнең тормышына Коръәнне кертте. Сөекле Пәйгамбәребезнең тормышы безнең барыбыз өчен дә иң яхшы үрнәк булып тора. Рамазан аенда бер нәфелнең савабы башка айлардагы бер фарызга тиңдер, бер фарызның савабы башка айлардагы җитмеш савапка тиңдер. Рамазан аеның бер кичәсе Ләйләтүл Кадр дип атала, ул гаять зур иминлекләр, рәхмәтләр, изгелекләр кичәсе. Коръәндә ул мең айдан да хәерлерәк диелгән. Мең ай - сиксән өч ел да дүрт ай. Димәк бу кичәдә төне буена гыйбадәт кылучы сиксән өч елдан да күбрәк гыйбадәт кылучы кебек булыр. Акылыбызның зәкяте - намаз, сәламәтлегебезнең зәкяте - ураза. Аллаһы Тәгалә тоткан уразаларыбызны, укыган намазларыбызны кабул кылса иде.

- Амин.

Нравится
Поделиться:
Реклама
Комментарии (0)
  • 24 февраля 2018 в 12:47
    Празднование Курбан-Байрама в Казани в 1945г
  • 24 февраля 2018 в 11:08
    Выборы Динар Байтимиров
  • 24 февраля 2018 в 10:56
    Лариса Гузееваның кызы әнисенең куркыныч серен ача Акстриса һәм телевидения алып баручысы Лариса Гузееваның 16 яшьлек Ольга исемел кызы бар. Ул дизайнер булырга хыяллана.
    513
    0
    0
  • 23 февраля 2018 в 16:53
    Ләйсән Гыймаева яңалыгы белән уртаклаша Ләйсән Гыймаеваның өченчегә бәбәй көткәнен күбесе инде күптән сизеп алса да, җырчы бу көннәргә кадәр һаман сер бирмәде: «әйе» димәде, «юк» димәде.
    460
    0
    1
  • 22 февраля 2018 в 11:12
    Контрактчы Илнар ялга кайткан Бүген районыбыздан 95 егет Россиянең төрле төбәкләрендә хәрби бурычын үти. Егетләрнең күбесе Домодедово, Мытищи, Йошкар-Ола шәһәрләрендә хезмәт итә. Быел барлыгы 254 егет хәрби хезмәткә чакыру комиссиясенә киләчәк.
    410
    0
    2
  • 23 февраля 2018 в 15:04
    Ике яклы кеше үзенә урын таба алмый Саба мәчетенә атна саен җомга намазына ике йөзләп кеше җыела икән. Җыйнак кына мәчеттә бер залга гына сыеша алмыйча, икенчесенә чыгалар. Шуңа күрә халык акчасына һәм оешмалар ярдәме белән яңасын сала башлаганнар. Мәчеткә йөрүчеләр арасында яшьләр дә күп. Дөрес, бу гамәлне аңлап кабул итүчеләр дә, хупламаучылар да бар.
    397
    0
    2
  • 23 февраля 2018 в 16:32
    22 яшьлек спортчы кызының үлемендә әнисе табибларны гаепли Россия Тикшерү комитетының Башкортстан буенча идарәсе рапирачы Татьяна Голосеева үлеменнән соң, кардиоүзәк табибларын тикшерә.
    352
    0
    0
  • 24 февраля 2018 в 16:34
    Чаңгы буенча Саба муниципаль районы коллективлары арасында шәхси-команда ярышлары 23 февральдә Лесхоз бистәсендә чаңгы буенча Саба муниципаль районы коллективлары арасында шәхси-команда ярышлары узды.
    350
    0
    1
  • 24 февраля 2018 в 14:05
    Концерт "Ә без кемнән ким әле?" 22 февраль конне Саба мэдэният йортында "Ә без кемнән ким әле?" дип исемлэнгэн концерт булды. Кич буе артистлар узләренең hөнәрләрен күрсәттеләр. Тамашаучылар hәр номерны көчле алкышларга күмделәр.
    318
    0
    0
  • 23 февраля 2018 в 11:11
    Ат җене кагылган Марат Дөньяның торган саен яңа яклары ачыла. Мин үзем, мәсәлән, бүген барлык яшьләр дә акчага, машинага мөкиббән дип белә идем. Саба районының таралып бетә язган Чәбки Хуҗа авылында ат фермасы салып куйган Марат Насыйбуллов белән якыннан танышкач, җанга ниндидер рәхәтлек өстәлгәндәй булды. Ачык йөзле, ачык фикерле бу егет янәшәсендә бер миңа гына түгел, бөтенесенә дә җиңелрәктер кебек тоелды.
    284
    0
    4