Террорга каршы комиссия утырышы

Утырышта барлык төр чагылыштагы, шул исәптән дини өлкәдәге экстремизмны һәм терроризмны профилактикалау, район территориясендә эшчәнлек итүче дини берләшмәләр вәкилләре белән багланыш урнаштыру, милләтара һәм конфессияара татулыкны ныгыту буенча пропаганданы көчәйтү, халык күпләп җыела торган объектларның янгынга һәм террорга каршы сакланышын тикшерүне оештыру мәсьәләләре каралды. Шулай ук районга читтән кайткан гражданнарны теркәү эшенең торышы, мәктәпләрдә 1 сентябрь - Белем бәйрәме көнендә укучыларның иминлеген тәэмин итү турында сөйләшү булды.