30 август көнне Казанда Юрий Антонов белән "А-СТУДИО" төркеме чыгыш ясаячак

30 августа Республика көне уңаеннан "Казан Арена" стадионы каршында бәйрәм концерты оештырылачак. Казанлыларны котларга Мәскәү җырчылары да килер дип көтелә.

Бәйрәмнең төп мәйданнарының берсе "Казан Арена" стадионы алдында урнашачак. Көндезге 12дә монда Казан гарнизонының "Россия Федерациясе Кораллы көчләрендә контракт буенча хәрби хезмәт - син сайлаганы" дип аталган патриотик зур концерт программасы башлана. 14.00дән 17.00гә кадәр шул ук мәйданда татар эстрадасы йолдызлары концерты була. 18.00дән исә Казанның популяр коллективлары, "Созвездие - Йолдызлык" һәм "Студентлар язы" фестивальләре җиңүчеләре катнашында яшьләр өчен кичке концерт программасын тамаша кылу мөмкинлеге булдырыла. Анда шулай ук җырчы Юрий Антонов, "Прогульщики", "А-Студио" төркемнәре чыгышы көтелә.

Интертат.ру