Бүген - Кырым татарларын депортацияләү корбаннарын искә алу көне

Бүген - Кырым татарларын депортацияләү корбаннарын искә алу көне. 1944 елның 18 маенда Кырым татарларын депортацияләү корбаннарын искә алып, Кырымның барлык мәчетләрендә бүген дога кылалар. Бу турыда Россия Мөфтиләр шурасы матбугат хезмәте хәбәр итте.

Мәктәпләрдә шушы темага ачык дәресләр, китапханәләрдә һәм музейларда тематик күргәзмәләр, һәйкәлләргә чәчәк салу чаралары булачак.

Бахчасарай районындагы "Сирень" тимер юл станциясе вокзалында концерт-реквием күрсәтелә, диелгән әлеге хәбәрдә.

Фото: muslim.ru

http://tatar-inform.tatar