Бразилиядә узачак футбол буенча дөнья чемпионаты Сабага күчә

Районыбызда футбол уенын популярлаштыру, яшьләр арасында спортның әлеге төренә карата кызыксыну уяту һәм халык арасында сәламәт яшәү рәвешен пропагандалау максатында ирләр командалары арасында 2014 ел сезонына футбол буенча Саба муниципаль районы чемпионаты үткәрелә. Ярышларда 18 яше тулган ир-егетләрне берләштергән командалар катнаша. Чемпионат 2014 елның маеннан августына кадәр дәвам итәчәк. Ярышларда катнашырга теләк белдерүче командалар белән 23 май көнне 15 сәгатьтә Яшьләр эшләре һәм спорт бүлегендә (Мәктәп урамы, 33а) киңәшмә үтәчәк (үзләре белән заявка булу мәҗбүри).