Саба таңнары
  • Тат Лат
  • Будапештта Татар ашлары көне узды

    Очрашуга төрле милләт вәкилләре, аерым алганда, венгрлар, кыргызлар, руслар, украиннар — татар мәдәнияте һәм татар кухнясы белән кызыксынучылар җыелды.

    Будапештта «Әлифба» татар җәмгыятенең Татар ашлары көненә багышланган утырышы узды. Бу хакта Бөтендөнья татар конгрессы матбугат хезмәте хәбәр итә.

    Очрашуга төрле милләт вәкилләре, аерым алганда, венгрлар, кыргызлар, руслар, украиннар — татар мәдәнияте һәм татар кухнясы белән кызыксынучылар җыелды.

    Татар җәмгыяте җитәкчесе Эльвира Галиәкбәрова күренекле татар ашлары белгече булган, татар милли ашларын өйрәнгән Юныс Әхмәтҗановның тормыш юлы һәм иҗаты турында сөйләде. Бәйрәм останың туган көне уңаеннан искә алу чарасы буларак оештырылды.

    Һичшиксез, төп урында каз һәм күркәдән торган бәлеш булды. Аннан соң бодай коймаклары, чәк-чәк һәм башка тәм-томнар куелды.

    Татар җәмгыяте рәисе Рита Хәсәнова 2020 елга эш планы белән уртаклашты. Шулай итеп, Татарстан АССР төзелүгә 100 ел тулуга багышланган фотокүргәзмә ачу, Бөек Ватан сугышында Җиңүнең 75 еллыгына багышланган чаралар оештыру, балалар Сабантуе уздыру һәм башкалар көтелә.

    Фото: tatar-congress.org

    Чыганак: tatar-congress.org

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: